مهرجانات

نِسمع في طرحة حفّالة صوتَها كيف الرَّعَد 

طيّرت النَّكَد 

لمّت الأحباب و جات تزور في الوَلَد 

واحد ينِينْ و الاخر يهين 

و الثَّالث مِالوَسَخْ يغسِل في الطّرفين 

نظافة و عفافة و بْريق على ضوّْ الرّش 

يِروي العِين 

غنَّي تَيَفْرح الحزين و يْرِفّ الڤلب إلّي ضنِّيتَه ڤزين 

ميِّل يا غزيّل عالجال الحال إلّي مالتَّعَبْ ما بيِّل 

وَاشطح لَتِمحي الاوجاع عند الصَّغَيّر 

احكي تَيَسْمع الغايب والّي في الأبعاد 

و هِزّ صوتِك 

هاذي فرْحِتِك فيها لا تسلَّم 

وڤفوا فوق المنصة و للعالي نهرو و زهرو

اسمع يالّي تسمع و أحقر الّلي ضاددنا و اركع 

اسجد و اعطي كاره للذلّ و مالتَّراب عينك لا تطلع 

امحي الّي كتَبتَه و احرق الّي نشرته و الّي في ڤلبك يضَلّ الدّهَر ليه متنكّر 

العهد خون و الرَّفيق يهون و اعفس علّي ما تڤدر تكسّر 

تبنّى الاحلام و ارتع 

يرجعلك وعدك بالذَّهب مرصَّع 

و اذا طوَال عليك الزَّمَن اصبر

فربّك للصّابر لا يتنكَّر